「呢一代Teen青」研究都進行咗有一年，見到好多唔同嘅人面對唔同嘅逆境，但係好多時候唔知點處理又或者唔知出面有啲咩幫到，覺得好無助。
比較「正統」嘅支援服務往往好似好遙遠咁：
「其實我都冇咁嚴重啫。」
「吓？會唔會好貴㗎？」
「我唔想食藥喎⋯」
「留record咁點算呀？」
以上係常常出現又好合理嘅憂慮，事實上好多冇及時處理到嘅情緒反應都係因為延遲咗冇正視就愈來愈嚴重。
最近港大精神醫學系就為咗提供一個平台俾可能面對困難但係又感到疑惑嘅你推出「迎風」，一個免費同匿名嘅精神健康支援服務。
除咗提供一個安全嘅空間俾大家了解一下自己精神狀況之外，「迎風」會以單對單方式希望俾到一個合適你嘅方向。
如果發現好似重多咗問題可以上佢哋網站 (www.youthmentalhealth.hku.hk) 了解清楚，又如果你係需要幫助可以直接登記: www.bit.ly/2Hc9gRp ■
Comments