FAQS

hkyes_logo.png

如果我被揀中成為受訪者,係咪代表我有精神健康問題?


請放心,呢次訪問係隨機抽樣揀住戶人口,所有香港市民都有機會被我哋揀中成為受訪者,大家被選中嘅機會係均等。




點確定到訪問員嘅身分?


你可以核對訪問員嘅香港大學工作證,如果有任何疑問,可以電郵去hkyes@hku.hk同我哋查詢。




點樣保障到我嘅個人資料及私隱?


所有問卷都以不記名方式進行,同時,訪問員會用手提電腦紀錄所有答案,如果受訪者覺得問題好尷尬,可以要求自行輸入答案。




我平日要返學/返工, 無時間喎, 星期六/日先有時間做訪問, 咁點算呀?


無問題! 我哋嘅研究人員會儘量遷就你嘅時間, 預約一個方便你嘅日子。




訪問係咪一定要喺屋企?可唔可以有其他選擇?


如果受訪者覺得屋企唔啱訪問嘅話,可以致電訪問員事先提出,並且另約其他合適嘅地方(例如:醫院、社區中心、住戶會所、食肆等)進行訪問。




我想參加研究,有咩方法可以參加啊?​ ​


對唔住啊,呢個研究係隨機抽樣選取嘅,唔接受報名參加。




點解要做呢個研究?


呢個研究可以幫助大家了解全港年青人目前嘅精神健康狀況,具有一定嘅指導性同重要性。本港除咗喺2013年進行過一次精神健康調查外,至今無任何近似嘅研究以更新資料。鑑於人口結構同社會心理嘅改變,以及藥物濫用等問題,本港需要大型嘅精神健康調查,等精神科醫生、社會人士,以及其他專業人士可以深入了解現今年青人嘅精神健康狀况,從而計劃未來嘅精神健康服務。




如果喺訪問過程中發現受訪者需要精神健康方面嘅服務,你哋會點做?


若果有需要,我哋會先徵求受訪者嘅同意,視乎情況,再轉介適當嘅服務。




我好忙,成日都唔喺屋企,咁點算好?


你可以打電話俾訪問員,預約返個訪問日期同時間,訪問員會儘量依據你所提供嘅時間進行訪問。